mere dil mein tu hi tu hai dil ki davaa kya karuuN ::Kaifi Azmi::

mere dil mein tu hi tu hai dil ki davaa kya karuuN
dil bhi tu hai jaaN bhi tu hai tujhape fidaa kya karuuN

Khud ko khokar tujhako pa kar kya kya mila kya kahuuN
tera hoke jine mein kya kya aayaa mazaa kya kahuuN
kaise din hain kaisi raatein kaisi fizaa kya kahuuN
meri hoke tuune mujhako kya kya diya kya kahuuN
meri pahaluu mein jab tu hai phir main dua kya karuuN
dil bhi tu hai jaaN bhi tu hai tujhape fidaa kya karuuN

hai ye duniyaa dil ki duniya milake raheinge yahaaN
luuTeinge ham KhushiyaaN har pal dukh na saheinge yahaaN
armaanon ke chanchal dhaare aise baheinge yahaaN
ye to sapanon ki jannat hai sab hi kaheinge yahaaN
ye duniyaa mere dil mein basi hai dil se judaa kya karuuN
dil bhi tu hai jaaN bhi tu hai tujhape fidaa kya karuuN